Xixilantes
d'Alcoa tornarán a la fuelga polos impagos de Sequor
Fuente: InfoAsturies.net – 10 Octubre 2012
Depués de realizar una fuelga meses atrás polos impagos de
nómines de Sequor, los xixilantes de la empresa n'Alcoa tornen a la fuelga pol
adeudu d'una mensualidá.
Los trabayadores de la empresa Sequor destinaos en llabores de
xixilancia y seguridá dientru de les instalaciones d'Alcoa denunciaron que la
empresa torna a adeuda-yos una mensualidá, problemática que se suma a
constantes problemes de pagu que yá provocaron una fuelga meses atrás. Poro,
los y les trabayadores quieren tornar a la fuelga, y pidir a Alcoa que fine col
contratu de Sequor y se dea la concesión a otra compañía que cumpla colos
trabayadores.
Los trabayadores afeutaos van a facer un aconceyamientu cola
plantilla d'otres auxiliares pa deplica-yos la situación, ya informar de que'l
coleutivu afeutáu va a facer efeutiva la fuelga dende'l día venti, siendo la
intención facer parones los díes 6 de cada mes, en denuncia de la situación, y
pa solicitar a Alcoa que fuerce a Sequor a finar col contratu, y qu'otra
empresa solvente y seria asuma a la plantilla.
ESABE-SEQUOR,
parte del mesmu conflictu
Sequor ye una empresa amestada a ESABE, la compañía que s'encarga
de la seguridá y llimpieza n'alministraciones públiques asturianes, y que
tamién esperimenta problemes de pagu. Como consecuencia d'ellos, los
trabayadores de la seguridá tan en fuelga indefinía polos impagos, dientru
d'una situación xeneral perdifícil pa los trabayadores que sufren la mala
xestión de les sos direiciones.
